Pascale — E tu mme vulive accidere adderittura? (Continua a dolersi).
’O guaglione — Ma si staie parlanno, comme t’aggio acciso?!
Il facchino (con disprezzo) — Ma quanno nun è arte vosta, jate a ffa’ n’ata cosa!
’O guaglione — Pecche, è arta toia?
Il facchino — Eh, è arta mia!
’O guaglione — Va’llà, vatte’! Io maneo[1] ’e ccasce ’a cuorpo a mammema[2]! Tanto ca ’a gente, quann’essa era gravida a me, lle diceva: «Signo’, avite fatto chistu bauglio[3]!» Eppure, doppo ca ’o purtaie pe’ nnove mise, nun ’o jettaie ’n terra? Cheste so’ disgrazie ca capitano! (E si accinge a scaricare il baule).
Il facchino — Oh ma dimme na cosa, chi t’ha fatto trasi’ a tte ccà dinto?
’O guaglione — Nisciuno.
Il facchino — E nun ’o ssaie ca ’e facchine d’ ’a carovana[4] simme nuie? (E gli mostra la sua divisa).
’O guaglione — Nun di’ fessarie! Io so’ cchiù facchino ’e te!
Il facchino — Va’llà, «facchino»!
’O guaglione — Io so’ cchiù facchino ’e te! (A Pascale) Neh, chi è cchiù facchino ’e tutt’’e dduie?
Pascale — Tu, tu! (E si tocca lo stinco) No, chisto è facchino overo!
Il facchino — E ghiammo, scarreche[5], e vattenne.
’O guaglione — E pecché?
Il facchino — ’A rrobba ’a sagl’io a buordo.
’O guaglione (minacciandolo con la sua paglietta, senza fondo) — Vatte’! Mo t’avess’a scassa’[6] ’a paglietta ’n faccia?
Il facchino — Va’llà «paglietta ’n faccia»!
’O guaglione— ’A cascia ’a sagl’io a buordo!
Il facchino — ’A’sagl’isso![7]
’O guaglione — Chillò’o signore m’è parente.
Il facchino — E ca t’è parente…?
’O guaglione — E po’ vedimmo! (Arriva correndo il signore del baule. E in tenuta da viaggio, con uno spolverino color kaki. Soffia come un mantice e s asciuga il sudore da quel suo faccione di luna piena).
Il signore del baule (a ’O guaglione) — Eh! Te sì miso a correre, e m’hè fatto suda’ na càmmisa.
’O guaglione — Va buo’, signo’, mo ve mettite a prora, cu ’o ppoco ’e viento ‘e faccia, e subito v’asciuttate[8].
