Paggena:Poesie - Salvatore di Giacomo.djvu/60

'A Wikisource.
Vai alla navigazione Vai alla ricerca
Chesta paggena è stata leggiuta.
56
'o funneco verde

IV.


— Che!… Ve vatteva!… — No!… Pe carità!
Nun ’o dicite manco pe pazzia!
Nun è figliola de fa’ chesto ccà!…
Io… diceva… pe di’, cummara mia!

Seh! mme faceva chesta nfamità!
Seh! mme vatteva!… Figliema!… Maria!…
Basta, sentite… Pe v’abbrevià,
ne vulevo da’ parte ’a pulezzia.

Po’ mme mettette scuorno: vuie capite,
llà mme sanno… Vicienzo mme fuie acciso…
llà sto scritta pur’io: Malia dde Vite…

E pe stu scuorno ca me songo miso,
figliema mia… mo… mo… — Meh, nun chiagnite!
Ll’ha voluto essa, pecché nun v’ha ntiso!