Paggena:Poesie - Salvatore di Giacomo.djvu/52

'A Wikisource.
Vai alla navigazione Vai alla ricerca
Chesta paggena è stata leggiuta.
48
voce lontane












AVITE maie liggiuto quacche cosa
ca, zumpanno, v’ha fatto, llà ppe llà,
nu sciore sicco, na frunnella ’e rosa,
nu mutivo e canzone allicurdà?

D’allicuorde campammo. A poco a poco
cennere fredda avimm’addeventà.
ma sempe sott’’a cennere lu ffuoco
d’ ’e tiempe belle s’annascunnarrà.

Va, libbro, atturniato d’angiulille,
sceta stu ffuoco e nun ’o fa’ stutà;
nu sciore sicco, nu cierro ’e capille
a chi te legge falle allicurdà…