Paggena:Poesie - Salvatore di Giacomo.djvu/284

'A Wikisource.
Vai alla navigazione Vai alla ricerca
Chesta paggena nun è stata leggiuta.
280
ariette e sunette


MARZO-

Marzo: nu poco chiove
e n’ato ppoco stracqua :
torna a chiòvere, schiove,
ride ’o sole cu ll’acqua.
Mo nu cielo celeste,
mo naria cupa e nera:
mo d’ ’o vierno ’e tempeste,
mo n aria ’e primmavera.
N auciello freddigliuso
aspetta ch’esce o sole :
ncopp’ ’o tturreno nfuso
suspireno ’e vviole...
Catari!... Che buo’ cchiù?
Ntienneme, core mio !
Marzo, tu ’o ssaie, si* tu,
e st auciello songo io.