Paggena:Poesie - Salvatore di Giacomo.djvu/27

'A Wikisource.
Vai alla navigazione Vai alla ricerca
Chesta paggena è stata leggiuta.
22
zi' munacella

V.

Nu poco doppo ‘o fatto ‘e Masaniello,
nun saccio mmano a quale vicerré,
fuie cundannato nu giuvanuttiello
pe nu mmicidio ‘int’ 'o vico Tre Re.

Se chiammava pe nomme Affunzetiello,
pe scangianomme "'o frate 'e Teppe tté";
e aveva acciso a nu mastedasciello,
ca po’ doppo ve dico lu pecché.

Fuie purtato a sta cchiesia e cunfessato;
e doppo cunfessato, se sentette
na messa 'e requie, nterra addenucchiato.

E, quanno 'a messa 'e requie fenette
e ll'organo d' 'o suonno se scetaie,
'a letania, da coppa, accumminciaie...