Chesta paggena è stata leggiuta.
Atto Primo
Sala da studio in casa di D. Ciccio - Porta comune in fondo - Porte laterali - Finestra con tendine, a sinistra dell’attore - Libreria in fondo, a destra - Ricca consolle su cui una grande specchiera, in fondo a sinistra - Scrittoio verso destra con occorrente da scrivere e campanello elettrico - Divanetto, sedie, ecc. Tappeto.
SCENA 1.a
Michele e Checchina
Michele
(rassettando, a Checchina, che si guarda nello specchio). Checchenè, tu te staie a guarda dint’’o specchio e a me sulo me staie facenno faticà ’e chesta manera?
Checchina
(sempre allo specchio). Vi' che fatica stafacenno chillo! Aspè, ca mo te vengo a tira 'o vraccio!
Michele
Tu pecchè sì prutetta nun t’hê ’a menà dint’’a vraca.
Checchina
(volgendosi). Prutetta ’a chi? Tu ccà è inutile che faie ’o maligno, ossà!.
Michele
(avvicinandosele). Ma tu te cride ch’ ’a gente so’ scieme, o ncca nun e vedono?
