Vai al contenuto

Paggena:Opere inedite di varj autori - Tomo I (1789).djvu/329

'A Wikisource.
Chesta paggena è stata leggiuta.
319
Ecloga VII.

E de fummo le ppoite, e de folinneje:
E tanto cunto facimmo de Boreja,
Quanto po fa no lupo de no nummero
Granne de vacche, de crape, e de pecore,
O de le rripe ponno fa le sciommora.

Coredone

Ccà castagne spenose, ccà junigere
Avimmo, e tutte frutte, comm’a cascole
Stanno jettate ’n terra sott’a l’arvole.
Tutte le ccose songo allere, e rrideno,
Ma sì da ste mmontagne sfratta Alessio,
Vedarraie nfi a lisciumme, che s’asseccano.

Tirze

Secche sò le ccampagne, e secche l’ereve,
Pocca non chiove, e mmediuso vennere
Bacco nce vole l’ombra de li pampane
Pe ste colline: ma venenno Fillede,
Torna a sti vuosche lo berde, e lo spireto
E Giove alliero nce manna na chioppeta.

Coredone

Piace la vit’ a Bacco, e piace ad Ercole
Lo chiuppo, a Febo pò lo Lauro, e a Vennere
Lo mirto, le nnocelle a Fille piaceno
E mente cheste piaceranno a Fillede,
Nò la noce potrà lo mirto vencere,
E stipare se pò Febo lo lauro.

Tirze

Bello pare lo frasso int’a le ssireve
Dinto a l’uorto la pigna, into le sciommora
Li chiuppe, e ncoppa le montagne autisseme
L’abete; ma si tu viene a trovareme,

Li-
O 4