- Mme fruttaranno appriesso, n’avé dubbio
- Tutto: d’oro sarraie, ca te lo. mmierete
Coredone
O Galatea, che figlia sì de Nereo,
E a me sì de lo timo de Sicilia
Chiù doce, e de li Cigne assaie chiù canneta,
E bella chiù che n’è la janca lellera,
Si a Coredone tuio puort’affecchienzia,
Viene quanno la sera li vuoie tornano
A lo stallone d’erva, e fieno sazie.
Tirze
Anze pozza parè pe lo ccontrario
A tte chiù ammaro de ll’erva sardoneca,
De na rostina chiù spenuso, ed orreto,
De ll’alaca chiù bile ntra le scogliara,
Se sto juorno non è de mise dudece
Chiù lluongo; o jence ’n casa reterateve
Da pò, che de magna chino è lo stefano,
Senza yregogna jate felecisseme.
Coredone
Fonte, che cchino si de verde muovero,
Erva, che p’ esse molla, fresca, e ttennera
Lo suonno muove, e buje pe le ffocetole
Macchie nfrascate, e fresche a cheste ppecore
Ombra facite contra lo solstizeo;
Già la state nc’è ’n cuollo secca, e ttorreda,
E da li rammo già le ffrunne sguigliano.
Tirze
Cannele ccà de sivo nò nce mancano,
Ne ffocolare, o cippe: de’ continuo
Avimmo fuoco, ed annerute vedonse
