Paggena:Nuove poesie - Rocco Galdieri.djvu/24

'A Wikisource.
Chesta paggena è stata leggiuta.



SPERANZA

Tu nun ghiuoche, sta bene. Io nun te dico:
vìnnete, comme a ll’ate, pure ’o lietto.
Ma miette quatto solde, benedico,
’nu quatto solde ’ncopp’ ’a nu viglietto.

E’ ’na speranza. E — tu che te ne ’ntienne —
che ce sta pe’ ’sta vita ch’è chiù bello?
’A speranza!? E t’accatte, quanno spienne
pe’ t’accatta, surtanto ’nu nichelio!