Paggena:Ncoppo marciapiede - frusso.pdf/42

'A Wikisource.
Chesta paggena è stata leggiuta du' vote e mo è fernuta.
— 40 —

Nzomma, chella è nu tesoro!
Don Pascale c'’o ccapisce
va dicenno ch’essa è d’oro.

III.


Schiatta ’a mmiria! Se fatica!
Chi fa ll’arte ’e Micalasse
che se magna, turze ’e spica

Accussì se faticasse
ogge e sempe! ’A ggente parla?
Che nce mporta a nuie? Schiattasse!

Tutte ll’uocchie ncuollo a lloro,
e pecchè? Pecchè Pascale
nun le manca mai lavoro!

Ccà nisciune, già se ndenne,
pò fa sempe ’e fatte suoie!
Neh, sta ggente che pretenne?

Don Pascale magna ’e ddoie?
Ma magnammo, eccoce ccà!
E nun tutte ’o ponno fa!