Paggena:Ncoppo marciapiede - frusso.pdf/21

'A Wikisource.
Chesta paggena è stata leggiuta du' vote e mo è fernuta.
— 19 —
'E TTRE CARTE



-'A rossa venge! 'A rossa venge! 'A rossa
venge!... A la rossa! A la rossa! Jucate!
Chi vo' puntà na lira?... 'A guaragnate!
E uno!... E ddoie!... E ttre!... Rint'a na mossa!

Guagliù, sfullate!... Peccerì, sfullate!
Nce vulite fa' fa'? Mannaggia ll'ossa
caruliate 'e chi v'ha vattïate!...
'A rossa venge!... A la rossa! A la rossa!...

Patrïò, vuò jucà?... Meza liretta!...
Guarda! È nu juoco fatto!... E uno!... E duie!...
E uno!... E dduie!..-(Ehilà!... Mo' sì purpetta!)

-('A rossa è chella 'e miezo!... E chella è 'a vera!)
-Aizate 'a carta!... Jammo belle!... A nuie!...
-Ciò!... Varda, sacrrr...! L'è la carta nera!...