Paggena:Ncoppo marciapiede - frusso.pdf/13

'A Wikisource.
Chesta paggena è stata leggiuta du' vote e mo è fernuta.
— 11 —
LA “BUONA FORTUNA„



–Ecco signori! Nella mia caiola
ngi tengo il suricillo ammaistrato,
che quanno gli rivòrdo la pirola,
quello, in due botte, ha tutto risvelato.

Avanti, Pascariello! Ho cumandato!
Prindeti in bocchi una cartella sola!...
Chi comandi, ecco qua, resta pricato...
Un soldo, e quello fa la crapiola...!

Avanti, Pasquerello!... Il pirulè!
(Grazzie, signore). Pasquerello!... Unò!
Al cartellino rosso!... Unò!... duè!...

Veriamo la fortuna che vi dà:
«Ventinove secondo!» a voi, signò!
–Pecchè nun dice a ssòreta, cumpà?