D.a Giov. Ma che vuoi che io m’appicceco cu mariteme? E po pe dicere a verità a me manco me persuade stu matrimonio, nu giovine ca nun se sape chi è chi nun è, no no Ngiulì te lu può luvà da capo.
Ang. Ma io lu voglio bene.
D.ft Giov. E che me ne preme?!
Ang. Ma io moro pe isso.
D.a Giov. Guè sa che te dico: mariteme nun vo,
io manco, perciò scordatenne de stu matremmonio: vuie guardate che mme succede, da la matina a sera aggio da tenere a chesta che me chiagne vicino, pe furtuna toia che fino a mo nun me so truvate attaccate de nierve, ma si s’attaccano povera ’a te.
Ang. Povera a me? e pecchè?
D.a Giov. Quanno sto attaccato de nierve nun rispetto nessuno.
Ang. Ma io nun me pozzo scurdà d’Alberto!
D.a Giov. Mo principia n’ata vota?
Ang. Ma dich’io ve fidarrisseve de vedè na ne pota vostra infelice, ve fidarrisseve de vederla chiagnere pe tutto lu tiempo de la vita soia? certo che no, e pecchè? pecchè site na femmena de buone custume, site na femtnena de munne e sapite cumme vanne sti cose, sapite che quanno uno vo bene a n’auto nun nce sta nisciuno che nce lu po luvà da dinte a lu core.
D.a Giov. Ma io...
Ang. Ma nun ce stanno io e io; vui site bella, aggrazziata de core e so sicura che me facite spusà Alberto.
D.a Giov. (quasi piangendo) Va buò aggio capito, nun parlà cchiù.
Ang. Ma si 1’ aggio ditto ca na zia comme a chesta nun se trova.
D.a Giov. Aie ragione che so tennere de core.
Ang. Addonga che ne dicite?
D.a Giov. Va buone, cercarraggio decapacità a mariteme.