Alb. Lu zio! (fugge a sinistra)
Fel. Restate nu poco abbracciate; bravo, accussi comme va bello sta scena.
Pas. [fuori) Che veco! muglierema, abbracciate con Pulcinella lu servitore... Che sango de... voglio...
Fel. (accorgendosi di Pasq.) Scusate chi siete?
Pas. Songo lu patrone, e voglio...
D.;l Giov. Aspetta nu momento. Tu che aje capito?
Fel. Chillo non ha capito niente.
Pas. Aggio capito abbastanza, (fa segno dell’ abbraccio)
D.a Giov. Tu aje ragione pecchè non sai... ali! ah! l’affare della... ah, ah. (ride)
Fel. Ah! quello non sa l’affare della... ah, ah.
Pulc. Chillo non sape 1’ affare della... ah, ah.
Pas. Qua affare?
Fel. Ecco ccà, me spiego io; dovete sapere che io ho scritto na farsa e vuleva farla rappresentà dummeneca in occasione de lu nomme di vostra moglie, e perciò stevemo concertanno, e chella scena che avete veduta era appunto sta scena della farsa.
Pas. Na scena!
D.a Giov. Già. Stu signore, pe causa ca s’è rotta la carrozza è venuto pe s’arrepusà nu poco, e parlanno, m’ ha ditto, che teneva sta farsa, tu saie la passiona mia pe recità, subito l’aggio pregato de farcela mparà ’ pe la rappresentà dummeneca essenno lu iuorno de lu nomme mio: accussi starnino nu poco in allegria.
Pas. Quanno è chesto, ve cerco perdono! e ve prego anze de seguità lu cuncierto.
D.a Giov. Dunche tu haie piacere?
Pas. Sicuro, e che male nce stà?
Fel. Allora, acchiappate chesta è la parte vostra. (ce la di) Io diciarria giacché site venuto vuie, de piglià l’urdema scena, pecchè è la cchiù mbrugliosa, po dimane la cuncertammo.
D.a Giov. Se, se.