Pulc. Voi che dite non ve siete scurdata?
Fel. “ Allora ve pozzo dicere chello che da tantotiempo ve vuleve dicere? »
Pul. Allora vo pozzo dicere chello che da tanto tiempo ve vuleva dicere?
D.a Giov. Ma si, parlate.
Fel. “ Ebbene, io da quanno ve vedette, avette na botta de spada dinto a stu core. »
Pul. Da quanno ve vedette, avette na botta de spito dinto a stu core.
Fel. Spada, non già spito.
Mat. Va buono, è lu stesso.
Fel. «Da che t’aggio visto non aggio truvatO’ cchiù nè pace, nè arrepuoso ».
D.a Giov. lo pure, ma non aveva lu curaggio de dirvelo.
Pulc. Ma mo nce simme spiegate, mo te pozzo dicere.....
Fel. « Ca pe me si na stella ».
Pul. Ca pe me si na stella co la coda.
Fel. La coda non nce vò.
Pulc. Lassala sta sempe è bona.
Fel. « Si na Venere ».
Pulc. Si na vernia.
Fel. « Na vera Dea ».
Pulc. Na vera rea.
Fel. « Un vero nume ».
Pulc. Un vero lume.
Fel. No, la lanterna.
Pulc. No, la lanterna.
Fel. Tu che staie dicenno?
Pulc. Tu che malora me faie dì?
Fel. All’ arma de mammeta, de patete e de tutta la razza toia (Pul. ripete) abbraccia la signora (Pul. esegue)
SCENA Vili.
Pasquale e detti
Pas. (d. d.) La porta aperta!
Ang. Ziemo! (fugge a dritta)