fa pigliateli tu, ca po vedimmo chi l’ave da fa, pe stammatina te la passe tu. (ce la da)
Pulc. Se, porta ccà.
SCENA VI.
D.a Giovanna Rngiolina e detti.
D.a Giov. D. Felì, nuie simme pronte, io la parte mia me 1’ aggio passata quatto o cinco vote e la saccio accussi accussi.
Ang. Io pure. Nè D. Felì, chillo che fa lu nnammurato mio è nu bello figliulo?
Fel. Sicuro.
D.a Giov. Dunche, quanno vulite principià lu cuncierto, nuie simme pronte.
Fel. E io pure so pronte. Allora sentite. Atto unico, (legge) La scena rappresenta una camera decentemente mobigliata. Scena I. Margherita, Rosina e Ntoniella. Dunche Margherita siete voi (a D. Qiov.) Metteteve quà, Rosina e Ntoniella da chest’ auta parte che parlano fra loro.
Pulc. E io.
Fel. Tu non nce staie.
Pulc. Vi che animale, io sto ccà, e chillo dice che non nce sto.
Fel. Non stai in iscena, lasseme fa mo. Si alza
il sipario, principia a parlare Margherita. Avanti tocca a voi signò.
D.a Giov. Tocca a me? eccome ccà. (recitando leggendo) Stammatina è cchiù tarde de lu soleto e D. Achille non se vede.... comme ve pare?
Fel. Non nc’ è male, seguitate.
D.;i Qiov. Io pe isso non trovo ne pace ne arrepuoso.... (imitando i ragazzi che dicono la lezione)
Fel. No, no, signora mia, vuie me parite chillo che dicene la lezione, nce vò nu poco d’espressione. « Io non trovo nè pace nè arrepuoso »
D.a Giov. Io non trovo nè pace nè arrepuoso.