Paggena:Lettere 'a ll'Africa.pdf/65

'A Wikisource.
Vai alla navigazione Vai alla ricerca
Chesta paggena è stata leggiuta du' vote e mo è fernuta.


V.


Ma chi cade, cadenno se strascina
pe mmiezo o sango, addò vede 'a bannera!
E te pare na stella d' 'a matina
ca luce ncopp'a chella massa nera!


Llà tutt''a folla! Llà tutt''ammuina!...
Llà vide ciente facce comm''a cera!
Llà ciento mane allerta!... E n'arruvina
de strille e botte... Llà sta 'a guerra vera!


Che fa si attuorno tiene mille muorte?
Che fa si jiette sango 'a ciento parte?
Llà! Curre llà! D' 'o riesto che te mpuorte?


Llà, sempe llà, spiranno tu vuò jì!...
Llà, llà sultanto, tu vuò fa scannarte!
Llà ssotto... e tu llà ssotto vuò murì!!