Chesta paggena è stata leggiuta du' vote e mo è fernuta.
— Vuò ca te dico tutta 'a verità?
Nun me sona, stu fatto 'e Macallè!
Capisco ca s'aveva 'a libberà,
ma chi l'ha libberato? Macunnè!
« Vuie pe tramente, jatevenne 'a ccà »
— ha ditt'isso; — « facitelo pe me!
Anze, ve voglio pure accumpagnà!
Aizate 'e mmappatelle, e viva 'o Rre! »
Capisco bene ch'è meglio accussì,
ma nuie turnammo arreto, eccoce ccà!
Tanto valeva, statte e nun ce ji'!
Mò sulo Barattiere 'a pò mpattà!
Zòmpale ncuollo, mò! Falle fuì!
Si no sta guerra c' 'a facimmo a fa?