65
Ma no pezzente; e no ngnorante propio.
Ma se volite fuorze pe na sborria
Farelo, ve sò schiavo, e ve resto obreco,
E ve promecco no paro de pummece
Pe annettare li cortielle, e de na papera
La meglio penna, che sia bona à scrivere,
E fuorze, fuorze no mazzo de bruoccole
Pe beveraggio, e no ve para misero
Quanto à chi dà però, no à chi ricevelo.
Pe cunto pò de chillo hommo verduoceno
Fi morte all’huocchie miei stace invesibile
Quanno se scoprarà farraggio onn’opera
ch’io porraggio, pe farele servitio
Azzò la zara non lo faccia perdere,
Ma le serva pe ncuntro a no reparelo
Mentre iocamo nzembra à spacca strommola.
Hora pe scompetura prego, e suppico
Chella, che delle bite fa le gliommera,
Che boglia ravogliare senza furia
Lo filo de la vostra, e sia de cannavo,
Che pe ciento anne non se pozza rompere
Da Napole lo iuorno, che se scompeno
Le feste de Natale, e s’apparecchiano
Li zuche zuche pe fare streverio
L’anne de mille seicento, e quattordici
Chillo, ch’vè amma con tutte le bisciole.
A lo
