Paggena:La Vaiasseide.pdf/35

27

 

ARGOMIENTO.

Figliai Renza, e facette na figliola
Che lo marito n'appe à spantecare:
Ogne vaiassa n'have cannavola
E se ne sbigna pe se sgoliare,
Vace lo banno, Prezzosa sola
scrive à Cienzo, e se vole mmaretare
Nce la dà lo patrone, e Carmosina
Non pò fuire, e posta à na cantina.

CANTO SECUNNO.

R Enza campaie commo na segnora

E scette prena ncapo de no mese;

Ogne uno le diceva à la bon hora

Te vea mamma de Conte, e de Marchese,

A Mineco parea mille anne onne hora

Che la mogliere trasesse à lo mese

Ped havere no ninno ò na nennella

Che la portasse à mammara nocella.

Venne chessa hora, ma la criatura

Poco mancaie, che no moresse nfoce,

Ma la mammana che n’havea paura

La capo le ntronaie ad auta voce,

Spriemmete figlia, spriemme ca non dura

Troppo st’ammaro, e venerrà lo doce;

Spriemete bene mio sta ncellevriello

Aiutate, te shioshia st’agliariello.

Puro

B 2