| Il mastro di forgia | 435 |
Giovanni (ad essi) - Eh… E che site turnate a ffa’? Ve putiveve[1] sta’ n’atu ppoco!
’O curto (giustificandosi) — Vuie state cu ’a mugliera vosta…
Giovanni (scattando) — Chi mugliera? Chi mugliera?! (Pigliando quasi per il petto ’O curto) Chi?! Chella nun m’e niente!
’O sicco (sottovoce, a ’O curto) — Statte zitto! (Lo spinge).
’O luongo (dandogli anche lui uno spintone) — Levate ’a miezo.
Carluccio (abbassandogli il berretto sulle orecchie) - Muore, si nun parle! (E lo spinge via).
’O curto — Faccio nu guaio ’a vota[2]! (Gli operai riprendono a lavorare).
Giovanni (gridando) — Niente m’è! (Pausa. Si domina. Poi, alla moglie) Insomma, tu nun me vuo’ fa’ fatica’? No? E io nun fatico. Mo me ne vaco io! (A Turillo) Pigliame ’a rrobba. (Gli indica giacca e cappello. Ai giovani) Arricettate[3] e gghiatevenne[4]! (Gli operai continuano a lavorare) Ve sto dicenno: arricettate e gghiatevenne! (Gli operai abbandonano il loro daffare e, rapidamente, escono salutando, dopo aver indossato i panni di strada. Turillo porge le sue cose a Giovanni, e fa per seguire i compagni) ‘A chiave?
Turillo (la prende da un cassetto del bancone e la porge) — È servito.
Giovanni - E dimane cchiù ampressa! Avvisa a ll’ate…
Turillo — Sissignore. (Saluta ed esce).
Giovanni (ad Agostino) — Che ffaie? Chiude tu, o chiudo io? (Gli mostra la chiave).
Agostino — E che aggi’a chiudere? Saccio chiudere, io?
Giovanni (è esasperato. Non sa che fare. Poi, risoluto, a Carmela) — Oh, ma insomma tu che ddice? (Carmela lo guarda con occhi di pianto).
Agostino (a Giovanni) — Siente, doppo chello che ha confessato…
Giovanni — Beh?
Agostino (sempre indicando Carmela) — …Per come si è mantenuta…
Giovanni — Beh?
Agostino — …Non vedrei perché non potresti perdonarla…
Giovanni (ad Agostino, rapidamente) — E si sorema! sorema! t’avesse fatto chello ca m’ha fatto sta femmena… e mo tu te truvasse ’o pizzo mio a decidere… tu che faciarrisse[5]?
Agostino — Ah… io ’a desse sempe nu cavice[6] e nn’ ’a cacciasse!
Giovanni (come trionfante) — ’O vvì?!
Agostino (cercando di giustificare il suo scatto) — No pe’ essa… p’ ’a ggente.
Giovanni — Embé, e tu ’a mugliera toia ’a disse nu cavice… e a mme, ’a mia, me cunsiglie
d’ ’a perduna’? (Pausa. Ride con amarezza) Tutte, tutte ll’uommene accussì… Pure Don Peppe, ’o stesso… Come vedi, caro cognato, a giudicare ’a di-
