| 432 | Raffaele Viviani |
Giovanni — Cheste hann’a scennere a duie millimetre, ’avvantaggia’[1]… (E ’a ’O curto, che è rimasto a guardare) E tu che staie facenno?
’O curto — Sto vedenno che succede!
Giovanni — E mo t’ ’o ffaccio vede’. (Siede sulla latta di benzina, che ’O curto gli avrà trasportata a fatica. A Carmela) Dunque?
Carmela — Accussì avimm’a parla’? ’Nnanze ’e ggiuvane[2]?
Giovanni — E che vvuo’ ca ’e ffaccio leva’ mano? Chille hann’a fatica’.
Agostino (fa cenni furtivi agli operai, perché smettano di lavorare con una scusa).
’O luongo (alza il dito, come fanno i bambini a scuola, verso Giovanni che, con un gesto di assenso, lo fa andar via).
’O sicco — Vaco a piglia’ ’e sigarrette.
Giovanni (che ha cominciato a capire il perché di quelle scuse) — Va’! (L’operaio esce)
’O curto (fa per sgattaiolare dietro i compagni) — Permesso.
Giovanni — Tiene quacche bisogno pure tu?
’O curto — Me so’ scurdata[3] ’a coppola[4] addu ’o canteniere.
Giovanni — ’A tiene ’n capa.
’O curto (confuso) — Vuie avit’a parla’.
Giovanni — E gghiesce! (’O curto, sgattaiolando, esce) Turi’, Carlu’, e ascite vuie pure. (Turillo s’avvia in fretta. A Carluccio) Famme senti’ che vvò.
Carluccio — Nu poco ’e calma. (Esce).
Giovanni (a Carmela) — Me vuo’ parla’?
Carmela — Si.
Giovanni — Ma nun me dicere ’e vule’ fa’ pace!
Agostino (scherzoso) — Sino daie na ’mpustarella pure a essa!
Giovanni — E pe’ forza!
Carmela (dopo una pausa) — ’O riceviste ’o biglietto mio ’e chella sera?
Giovanni — ’O primmo? Si!
Carmela — E che diceva?
Giovanni — E lloco te voglio!
Carmela (ribatte) — Che diceva?
Giovanni — Si io nun saccio leggere, che scrive a ffa’?
Carmela — T’ ’o ffacive leggere.
Giovanni — ’E truvaie tutte prudente e istruite!
Agostino (tagliando corto, a Carmela) — Che diceva ’o biglietto?
Carmela (a Giovanni) — Te cercavo scusa. (Giovanni sbarra gli occhi. Carmela riprende, ferma) M’ero pentuta[5] ’e chello che avevo fatto; pentuta d’ ’e cchiacchiere che avevo fatto fa’. Appena scesa ’a dint’’a casa mia avevo capito tutto l’abbisso ca s’era apierto ’nnanze a mme. M’era bastato senti’ ’a voce ’e n’at’ommo,
