| 430 | Raffaele Viviani |
Giovanni — Ah? A essa? Dicitencello[1] ca nun mannasse a nisciuno cchipu, pecché nun avarranno[2] manco ’a ’mpustarella…
Agostino — …E ’o bicchiere ’e vino?
Giovanni (afferma) — E ’o bicchiere ’e vino!
Don Peppe — Buongiorno. (Gli dà la mano).
Giovanni — Buongiorno. (Don Peppe saluta Agostino e Armida, ed esce).
Turillo (ritorna e dà il resto).
Giovanni — Mena ’o mantice! (Turillo va alla forgia).
Armida (al fratello) — E mo che ffaie?
Giovanni — Fatico!
Agostino — Chella mo certo venarrà, te pare?
Giovanni — E ccà mme trova. (Gli operai ritornano. Fanno chiasso, prendendo in giro ’O curto. Salutano Armida e Agostino che, a loro volta, ricambiano, e ciascuno ripiglia il suo lavoro).
Carluccio (a Giovanni) — Che vuleva Don Peppe?
Giovanni — Na ’mpustarella.
Carluccio — A chistu stato s’è arredutto?
Giovanni — …E nu bicchiere ’e vino.
Agostino (scherzoso, agli operai) — Dimane all’ora d’ ’a marenna, a ’o principale vuosto, parlatele d’’a mugliera…
Giovanni — Eh! Avite na ’mpustarella pure vuie!
’O luongo — ’O ssapimmo ca nun ce n’avimm’a parla’…
’O curto — …Significherebbe aprire una piaga.
Giovanni (tira un calcio ad una latta di benzina, che gli viene a tiro, e lo colpisce) — Pienze a ’e ppiaghe toie ca so’ cancrenose!
’O sicco (a ’O curto) — Afforza vuo’ arapi’ ’a vocca!
Carluccio (alludendo a ‘O curto) — Sapite che s’ha mangiato? Dduie solde e pane e dduie solde’ aulive[3].
’O sicco — Eh, pe’ nun se ’ngrassa’!
’O luongo — Sta facenno ’a cura pe’ dimagri’!
’O curto — Vuie che vvulite? Io chesto pozzo spènnere! (Pausa).
Armida (al marito) — E allora?
Agostino — Va’, avviate. Io mme stongo nu poco cca.
Giovanni — Cugna’, vattenne.
Armida — Nonsignore. È buono ca resta.
Giovanni — Va’.
Armida — Buongiorno. (Tutti salutano. Armida esce. Giovanni torna al suo lavoro. Musica).
Giovanni (canticchia, mentre gli altri fanno da pedale, con le loro voci, intermezzate dal rumore dei colpi sul ferro e dallo stridore acre e fumoso della forgia).
