| Il mastro di forgia | 429 |
vanni ne offre una all’ospite) Don Pe’, magnate. (E lui stesso ricomincia a mangiare. Poi, a Turillo) Va’ piglia ’o vino. (Turillo esce).
Agostino (entrando, seguito da Armida) — Buongiorno.
Giovanni (ai due) — Ve vulite fa’ pure vuie na ’mpustarella?
Agostino — Nun è ora mia.
Armida — Carmela è venuta?
Giovanni (mangiando, fa un cenno di no con il capo) — Ha mandato l’ambasciatore. (Indica Don Peppe che, mangiando a sua volta, s’inchina) Un mio coinquilino.
Armida (allude a Carmela) — E essa mo addo sta?
Don Peppe — ’Ncopp’a ddu me.
Armida — Statte attiento, fratu mio…
Giovanni (celiando) — Ca me va nu muorzo ‘ntravierzo[1]?
Armida — Eh, tu nun ’a vediste aiere ssera comme steva d’umore?!
Giovanni — E doppo io che facette?
Armida — Te faciste tre quarte ’e chile ’e maccarune!
Giovanni — E mo chesto sto facenno. (Mostra la colazione) E chesta è ’a siconda. (E fa un grosso boccone).
Agostino (ad Armida) — ’A gelusia è verme sulitario, pe’ chisto!
Armida (a Don Peppe) — Che ha fatto, ha continuato a chiagnere?
Don Peppe (mangiando, non puo rispondere, fa un cenno con il capo).
Agostino (guardando Don Peppe) — Jh che famma ca tene ll’ambasciatore!
Armida — Giuva’, primma ’e da’ nu passo decisivo, rifliette buono. Doppo te n’aviss’a penti’?
Giovanni — No.
Armida — E allora nn’ ’a faie i’[2] n’ata vota?
Giovanni — Armi’, pecché me t’hé ’a fa’ da’ na ’mpustarella pure a tte?
Don Peppe — E io pe’ ce ne parla’, mme so’ truvato cu na ’mpustarella ’mmano.
Agostino — E ccà mo si ognuno ca te vene a parla’ ’e mugliereta, ll’uoffre[3] mpustarella…
Giovanni — Vaco ’a lemmosena[4]!
Turillo (con un mezzo litro e due bicchieri, entrando) — Vino. (Lo porge a Giovanni).
Giovanni (riempie due bicchieri, uno, lo offre a Don Peppe) — A la salute della commissione. (Bevono. Poi, Giovanni da una moneta a Turillo) Tie’, e fatte da’ ’o riesto. (Turillo esce).
Don Peppe (levandosi) — E allora?
Giovanni — Vulite pure ’o ccafé?
Don Peppe — No, grazie. Dicevo: allora… che aggi’a dicere…?
Giovanni — A me? Avete detto tutto.
Don Peppe — No, a essa…
