| Il mastro di forgia | 405 |
TOTONNO — Non lo metto in dubbio. (Esce fuori dal balconcello e guarda, distrattamente, nel vicolo).
Giovanni (finge, in fretta, di raccattare la lettera da terra) — Don Anto’!
TOTONNO — ’On Giuva’!
Giovanni — V’è caduta sta carta. (Gliela porge).
TOTONNO — No.
Giovanni — Nun è ’a vosta?
TOTONNO — No.
Giovanni — Ma vedete almeno… Mia non è.
TOTONNO (prende il foglio, lo guarda un attimo, fissa Giovanni, gli chiede) — Ma che ddice?
Giovanni ’A me ’o vvulite sape’?
TOTONNO — Allora si aspettate ca v’ ’o ddich’io…
Giovanni — Nun sapite leggere?
TOTONNO — Si. Saccio leggere. Ma nun me mmisco miez’a ccierti fatte[1]
(Pausa) Don Giuva’, ccà nisciuno ve l’ha vuluta leggere… v’ ’a liggev’io?
Giovanni (meravigliato vivamente) — Chi ve l’ha ditto, stu fatto?
TOTONNO — ’O canteniere abbascio ’o palazzo.
Giovanni — Isso! (È esasperato) Ma guardate: manco a farlo apposta! Se so’ date appuntamento tuttu quante a nu pizzo[2]…
TOTONNO — Chi?
Giovanni — Comme, chi? Tutte chille ca nun sanno né leggere, né scrivere, né prucedere ’a galantuommene!
TOTONNO (offeso) – ’On Giuva’, badate comme parlate!
Giovanni (dominandosi) — È giusto! Scusatemi tanto: sto un po’ bevuto.
TOTONNO — Ah? E allora sentite nu cunziglio d’ ’o mio: spugliateve e cuccateve, accussì diggerite’ a pelle.
Giovanni (lo guarda, poi, con voce spenta) — E accussì faciarraggio[3]
La voce di Carluccio (dal vicolo) — Princepa’[4] io sto ccà.
Giovanni — Don Anto’, ’e scanne[5] stanno abbascio.
TOTONNO — E quant’è?
Giovanni — Jate, v’ ’o vvedite cu ’o giovane. (A Carluccio che entra) Carlu’, tu saie ’o prezzo. (A Totonno) Buonasera.
TOTONNO — Buonasera.
Giovanni — Buonasera. (Totonno esce).
Carluccio — Princepa’, che aggi’a fa’?
Giovanni — Va’ te cocca[6]. E dimane, ampressa.
Carluccio — …Che diceva ’o biglietto?
