I.
È primavera, Tata, è lu mumente
de scammesciarte1 a le campagne aperte,
de trascorre2 fermate cu la gente,
de sta cuntiente, fore, a lu scupierte3;
de rrepiglià de core lu buvente4,
accavallà majese5, fa' le nzierte6,
zappà la vigna, mette le sumente7
purtà l'anemalucce all'erva sperte8.
Pe nu' suldate mmece è la stagione
de rrepulì ste terre addò9 aggrappate
cumm'a gramegna dent'a nu frattone10,
cumm'a spine de ruve11, abbarbecate
pe' ssotte a quacche viecchie pedarone 12,
sta lu nemmiche nuostre qua 'ncrastate 13.
1 di mettersi in maniche di camicia. 2 di discorrere. 3 all'aperto. 4 il bidente. 5 fare i solchi nel maggese. 6 fare gl'innesti. 7 le sementi. 8 portare le pecorelle in giro pei prati. 9 dove. 10 gramigna in un macchione. 11 rovo. 12 ciocco. 13 incastrato.
