Paggena:Cucina teorico-pratica.djvu/408

'A Wikisource.
Jump to navigation Jump to search
Chesta paggena è stata leggiuta.

400

LISTA

De tre piatte a lo juorno pe n'anno sano, accommensanno da lo primmo dell'anno, co lo corrente nuosto Calannario de lo 1839.

JENNARO.
1. Martedì.

Menesta de vruoccoli, e cecorie - Bollito de capune, carne de vacca, na codella de puorco c. r. o no bello saciccio - Capune a la genovesa - No fritto de grasso - Arrusto de feletto de puorco - Pizza doce de recotta[1].

2. Miercodì.

Maccarune ncasati co lo brodo de pesce - Pesce a lo tiano - Cauzuncielli fritti de pasta cresciuta co la provola.

3. Giovedì.

Zuppa de zoffritto - Lacierto mbottunato - Arrusto de fecatielli de Puorco.

4. Viernadì.

Viermicelli zoffritti co l'alice salate - Baccalà ntortiera - Ova fritte.

5. Sapato.

Menesta de vruoccoli zoffritti - Secce a lo tiano - Frettata co la cepolla.

  1. Pe essere lo primmo juorno dell'anno, che lo Cielo nce lo faccia vedè pe mill'aute a me e a buje amici miei.