Chesta paggena è stata leggiuta.
Uocchie de suonno, nire, appassiunate,
ca de lu mmele la ducezza avite,
pecchè, cu sti guardate che facite,
vuie nn vrasiero m’ pietto m’ appicciate?...
Ve manca la parola e mme parlate,
pare ca senza lacreme chiagnite,
de sta faccela ianca anema site,
uocchie belle, uocchie doce, uocchie affatate!...
Vuie ca nziemmo a li sciure v’arapite
e nziemmo cu li sciure ve nzerrate,
sciure de passione mmme parite.
Vuie, sentimento de li nnammurate,
mm’ avite fatto male e lu scapite,
uocchie de suonno, nire, appassiunate.
