Paggena:Canta Posillipo... (Ernesto Murolo).djvu/54

'A Wikisource.
Chesta paggena nun è stata leggiuta.
— 48 —

UNA LETTERA DAL FRONTE.

E gghiuta na figliola ’e Pellerine

cu’ ’a faccia aperta cumme a nu granato!

Teneva ’e lineamente accussi’ fine,

ch’ ’a folla, appriesso, ha ditto: « che peccato!...

— Beh, nun cuntà buscie: pigliate ’a seggio —
ll’ ha ditto ’o cummissario — e gghiammo bello
si parie, è buono; si nun parie... ’a peggia
sorta è d’ ’a toia ca vai dinV ’o canciello ».

Cu nu felillo ’e voce essa ha cuntato
ca d’’o pprincipio ’e ll’ anno, « canusceva »
nu giovene ’e guantaro d’’o Mercato,
ma ca nu frato d’ essa nun vuleva.

Era, gnorsì, manisco, sfaticato,
ma... ch’èva fa’? Ce s’era perza, e... zitto!
Ogge, però, pe ffa’ cuntento ’o frato,
s’ è vista c’ ’o guantaro e ce l’ha ditto.