Chesta paggena nun è stata leggiuta.
— 25 —
PUSILLECO DORME...
Nun ride cchiù Pusilleco I
Cumm’ è deserto e scuro!
Sulo pe’ sott’ o muro
’sti lluce linee sbrenneno
dint’ a ll’oscurità...
Addio, d’’o scoglio ’e Frisio
voce ’int’ e vvarche, addio!
Chitarre malinconiche,
gulio d’’o core mio,
nu cchiù canzone e vàlzere
ve sento suspirà!!
Sacc’ io che me vuò dì,
Pusilleco, Pusì:
vuò dì ca mo nun ride
cumme a na vota cchiù,
pecchè passà nun vide
l’Ammore e ’a Giuventù.
