Chesta paggena nun è stata leggiuta.
— 10 —
Tre vizie tengo 'a cuorpo a mamma mia:
'e chiacchiere, a tuletta e ’a gelusia...
E pe' sta gelusia, nun c' è che ffà,
’o nnammurato mio me vò lassà...
Ma anduvinate quanno?
E anduvinate quanno?...
Quanno Natale càpita d’Austo,
quanno ’o Visuvio 'a Napule se sposta
e 'a Grotta Azzurra nun è chiù celeste.
Vintiquattore. 'E core
ce sbattono abballanno...
Chisà nennillo mio
che spavo sta tiranno!
E cu che sfizio nuje facimmo ammore
mo ca ce sò cuntrarie ’e genitore...
Io, quanno mamma dice: LP he ’a lassà...
risponno toma toma: « 'O lasso, oi ma'! *
Ma anduvinate quanno?
E anduvinate quanno?...
Quanno 'o percuoco nasce senza ’o pizzo,
quanno Maria Sufia torna a Palazzo
e 'o Papa esce pe’ Roma int’ ’a carrozza!
