Paggena:Altavilla - Nu turtaniello ca nzogna.djvu/13

'A Wikisource.
Chesta paggena nun è stata leggiuta.
— 13 —

Eli. Grazie: me lo mangio a ttavola: (con vezzo) Chist’ha dda essere l’urdimo bocconcino particolare.

Men. (fra sè) (Che bella cannela ambulante!) (scherzoso e guardando entrambi con significato dà la sua voce fra denti) Nu turtaniello ca nzogna!

Rip. Comme te chiamine?

Men. Menechiello Pappamosca a sservirve: omino alliero, ommo nato dinto a la disperazione, smammato da la paccariazjone e ccrisciuto da la sfasulazione.

Tur. Ah! ah! ah!

Men. Ma mperò tutte tre sti ssignore m'hanno fatto sbattere Ip core mpietto sempe de na manera...comme volimmo dicere? vi, co beracità..

Rom. Con miniera spampanata vuoi dicere?

Men. Ah! chisto è lo vricabolo, sto signore mo è lo fatto è scellifeco e pparla comme a no libro stracciato; onne non aggio fatto maje malaziune, e lo Cielo mm’ha provisto aprennome st’atita strata alla sustilènzia. Signò, io faceva lo polizza stivale: no juorno trovo no D. Liccardo de chiste che steva fora a no cafè, e sse facette polizzà no paro de brudacchelle: mente che io polizzava, isso fumava e guardava na signorina: mmage' nateve, avette da passa cchià de na votà la scopetta dall’una all’auta mana.

Rip. E pperchè?

Men. Perchè li ddeta me cocevano: smiccia mo, smiccia pò...

Tur. Ah! ah! ah!

Men. A pproposito, (guarda casualmente per la finestra) gnorzì, a cchillo cafè Uà abba