vriognatenne; mme passa 15 carrine a lo mese e 25 rana pe li spese de burò.
Oro. All’ infuori de lo mmagnà a zzoffunno che te strafuoche, de lo ccafè e dde lo tabbacco.
Pan. Mangiare l una pietanza al giorno di minestra fluvida.
Oro. Sicuramente, pe rrispettà li bbiscere.
Pan. Cafè! no tornese a la matina, e no farnese a lo juorno; ossia no tocchetto diviso in due epoche.
Oro. Già, perchè pigliànnone chiù assaje compromette la nervatura...
Pan. Fratiè, fratiè: lo Cielo ncià stampato de doje manere; tu tanto sènneca e io tanto fruscione.
Oro. E pperzò, tu tanto sbattuto...
Pan. E ttu ttanto ricco, dì, di ca dice buono!., ma io aggio mmaritata na figlia fora co 300 ducato che ancora aggio da pagà, e ttu... mme vuò fa parlà, mme vuò fa parla... lassarne sta zitto!.
Oro. E io che?., e io che?., sbafa!
Pan. (sottovoce) Va miette la faccia in qualche ricevitoria odorifera... avarone! avarone! ca pe 600 ducale non faje sposa figlieta Metilde co cchillo buono giovene de D. Roberto.
Oro. (con rusticità) A mme! che se lo piglia; nce tene pure parola data.
Pan. Che se lo piglia è lovè? e la casa fatta e li mobile ncaparrpate?
Oro. (c. s.) Se lo hbed’ isso.
Pan. Se lo bbed’ isso! chillo tene 20 dueate a lo mese, comme po fa lo poverommo?
Oro. Oh! tu mme vuò fa perdere la salute? e ssi