Chesta paggena è stata leggiuta du' vote e mo è fernuta.
44
Doje belle cateniglie
De premmone de cochiglie,
No capiello agallonato
De codarino d’alluzzo salato,
Tutto posema e stentariello
Jeva facendo lo sbafantiello
e girava da cà e da là
La n’ammorata pe se trovà!
La sardella a lo barcone
Steva sonanno a lo calascione
E a suono de trommetta
Jeva cantanno st’arietta:
E tarè io maro e lena
e la figlia da sia Lena
Ha lasciato lo n’ammorato,
Pecchè niente l’ha rialata!
Lo Guarracino ’nche la guardaje,
De la Sardella se’nammoraje;
Se ne jette da na vavosa,
La chiù vecchia maliziosa!
L’ebbe bona rialata
Pè mannarle la masciata:
La vavosa pisse pisse
Chiatto, e tunno’nce lo disse.
