Pan. Ah mpiso frabutto l’aje fatta la botta.
Pul. Ne puozze fà una, e crepà pe li scianche. Jo non aggio sparato manco no tricche tracche.
Pan. Non serve a negà ca si stato trovato co lo delitto ngenere.
Pul. Tu qua cennere, io non aggio visto manco pittato lo focolaro.
Pan. E sta spata perchè la tiene mmano?
Pul. Pe me la vennere a lo primmo saponaro.
Pan. Aibò sta spata chiacchiarea.
Pul. Jo non l’aggio ntiso dicere ancora na parola.
Pan. Chist ommo l’aje acciso tu per l’arrobbare.
Pul. La malapasca che te vatta. Non lo vide cà stà mbriaco comme a no porco.
Pan. Qua mbriaco, chisto e muorto comme a tutte li muorte, e tu l’aje acciso. A buje belle figliù, attaccatelo, e portatelo ncriminale.
Pul. Tu quà criminale. Jo dimane aggio da fà lo Zito, e non sto commodo de jre npresone. Governateve.
Pan. Viene co nuje ca lo zito te lo vo-
