Scena terza.
Pulcinella con sacco di farina sopra le spalle, e detto morto a terra.
Pul. Eccome cca, so arredutto à portà ncuolla a uso de Ciuccio, quanno a la Munno so cchiù li Ciuccie ca l’uommene. (Inciampa nel cadavere di Florindo e casca.) Te cancaro anno lassato l’ossa de Cerasa mmiezo a la via. È tu bestia de sacco me vide nterra, e non me daje manco na mano pe me fà sosere. Uh! e chesto che
de! Cca nce stanno no paro de scarpe co tutte li piede dinto. Va sapenno chi cancaro l’avarrà perdute co tutte li piede… Cca nce stanno no paro de cauzette co tutto li cauzune. Quacche duno sarra ghioto a licet, e s’è scordato de se le mettere. Te pest’a te; da dereto teneva no naso co tutta la faccia. Si non faccio arrore chisto e omno a duje piede comme sone io. Aggio ntiso, pe sparagnà na dicinco de l’alloggiamiento s’è puosto a dormire mmiezo a la via. Addò sì, susete, e ba te retirà a la Casa, che ccà nterra può piglià no catarro. Aje ntiso. E puozì essere acciso che non te manca, e rispunne ammalora.
Ah mo aggio ntiso, sta
