Chesta paggena è stata leggiuta du' vote e mo è fernuta.
26
l'Amante scornuso.
(Napoli.)
Passa e repassa sotto a sto barcone
No giovene aggraziato e co lo core
Me tene mente co na gran passione
Ma a chisto s’arreduce lo suo ammore
Jo mo voglio vedere: sto scornusiello,
Se le faccio levare mane ’u cappiello
Giàcch’isso tene sta soggezione,
La faccia tosta a me tocca d’avere,
Mettennome a filà fora o barcone
N’capo lo fuso ’nce faccio cadere
Ment’attacca lo filo, o Mammaluco,
Certo m’ave a parlar se n’è de stucco!
Oje Nenna me dirà: lo vuostro cuore
Attaccare accussì non se potria? —
Pecchè nò, respunn’io: facite errore,
Lu nuodeco se ’nc’è de simpatia. —
Ma teccotello vene, o sbarbatiello!
Mettimmoce a filare, a nuje cerviello!
