Chesta paggena è stata leggiuta du' vote e mo è fernuta.
114
Canzone de Pifferari.
(Napoli.)
Quanno nascette Ninno a Bettelemme,
Era notte e parea miezo juorno!
Maje le stelle
Lustere e belle
Se vedettero accussi!
La chiu lucente
Jette a chiammà li Magi, in Oriente.
No n’cerano nemice ppe la terra,
La pecora pascea co lo lione,
Co le crapette
Se vedette
Lu liopardo pazzià:
L’urzo e o vitiello,
E co lu lupo ’npace u pecoriello.
Guardavano le pecore lu pasture;
E l’Angelo, sbrannente chiu de lu sule,
Comparette,
E le dicette:
Nò ve spaventate, nò!
Contento e riso:
La terra è arreventata Paradiso!