Chesta paggena è stata leggiuta du' vote e mo è fernuta.
— 60 —
Nun fa diebbete, va chiano,
e rispetta ’e sacramente…
Fatte sempe ’o fatto tuio,
e n’avè pavura ’e niente!
Chi cammina p’’o dderitto
nun po’ mai ntruppechià!
Chisto è frateto, che parla…
Che te pozzo aggevula?
— Santo Piè, na grazzia voglio...
— Va dicenno, figlio mio…
— ’E denare e ’a bbona sciorta…
— E va bbuò, lassa fa a Ddio!
E strignennome la mana
me dicette: — Afferra ’a bbriglia;
tiene forte e bbuon viaggio,
tant’ossequie ’a famiglia.
