Chesta paggena è stata leggiuta du' vote e mo è fernuta.
— 41 —
e afferrato a don Custanzo,
comm’io mo afferrasse a vvuie,
’o ruciuliò p’’e scale,
e murì, salute a nnuie!
Figurateve ’o spavento!
Arrestato a ffresco a ffresco,
ora mo, stu mio marito
fu portato a san Francesco…
E così, San Pietro mio,
se rovinano ’e ffamiglie!
Eccuccà!… Io restò, ppoi,
mmezz’ ’a strada assieme ’e figlie…
Quatto chiode ’e Ggiesù Cristo,
tuttuquante ’e poca aità…
Pe ddà pane a ttanta vocche,
comme, neh, dovevo fa?
⁂
Io, sentenno, m’’a guardavo.
Guè, chell’era proprio bella!
Nu buccone ’e cardinale;
Nu bburriello ’e mozzarella!
