Paggena:'O luciano d"o Rre.djvu/27

'A Wikisource.
Chesta paggena è stata leggiuta du' vote e mo è fernuta.


6.ª


Quanta ricorde! Quanta cose belle!
N’arena d’oro e n’abbundanza ’e ciele!
Treglie e merluzze, vive, int’'e spaselle,
e ’o mare tutto cummigliato ’e vele!
Veneva ’a voce, da li pparanzelle:
“Aonna, ’o mare! Aonna!…„ E li ccannele
s’appicciavano nnanza a li Ssant’Anne,
p’'a pruvverenzia “ch’è venuta aguanne!„