Chesta paggena è stata leggiuta du' vote e mo è fernuta.
51
Dopp''offiggio, Vintidoie ore.
Si nu penziero dint''o core vuosto
vuie tenite annascuosto,
e si, tutto na vota,
l'anema vosta sbatte e se revota
ca vurria caccià fora
chello ca ve sentite,
site nu nfamo si l'annascunnite.
Sentite a me: nun c'è cchiù bella cosa
d''a verità. Quanno un è sfurtunato
meglio è ca parla e nun se mette scuorno.
pecchè doppo parlato,
pecchè doppo sfucato,
si pe nu poco isso se vota attuorno
e a l'ati sfurtunate tene mente,
trove 'e stesse dulore,
trove 'e stesse penziere,
mmiez'a tant'ata gente...
E, accussì, na buscia,
si dicesse c'a te nun penzo cchiù,
io certo diciarria;
o si dì nun vulesse
ca pe te sulamente
io sarraggio dannato eternamente!
