Chesta paggena è stata leggiuta du' vote e mo è fernuta.
23
Serata 'e luna.
Santa Lucia, luntana e benedetta,
è nu martirio si mme viene a mente!
quanta suspire dint'a na varchetta,
quanta guardate senza dirce niente!
Frutte 'e mare adduruse, evera 'e mare,
mare, gulio d''a luna ca spuntava,
luna, lanterna de li marenare,
ca dint''o specchio 'e l'acqua se mmirava!
Penzate a me! Nu marenaro er'io,
meglio si a mmare me ieva a ghiettare!
T''o pozze perdunà sultanto Dio
stu desiderio che tengo d''o mare!
