Chesta paggena è stata leggiuta du' vote e mo è fernuta.
— 19 —
Chesta paggena è stata leggiuta du' vote e mo è fernuta.
— 19 —
’O purtinaro è n’ommo attempatiello
ca monaco a trent’anne se facette,
sempe ca passo, ’a quanno mme vedette,
–Figlio, –mme dice– santo e vicchiariello!
Io dico: – Giesù Cristo sia lodato!
e chillo mme risponne: – Ogge e a tutt’ore!
E da che nasce ’o sole anfì a che more,
sott'’a porta, a penzà, resta assettato.
A che penza? Luntano, a poco a poco,
’o sole scenne arreto a li muntagne,
’n’cielo se spanne nu lenzulo ’e fuoco,
e nu cucù, mmiezo a li fronne, chiagne....
