Chesta paggena è stata leggiuta.
74
Poesie
Anze... me fa ’na grossa meraviglia
comme ’a maestra, a ’na guagliona, piglia...
— Mo’ parle ’e vuie, si nun ve dispiace...
«Mo’ parle ’e vuie...» Facisteve ’na mossa
ca ’i nun ve saccio di’ che mossa fuie:
Ve facisteve pàlleta... po’ rossa...
E ’nce guardaieme ’nfaccia tutt’ ’e dduie.
Ma i’, che facette scrupolo pe’ vvuie,
dicette: Aspetto ca se fa cchiù grossa...
E mo’ che site grossa, i’ ca so’ amico,
mo’ mme faccio curaggio e mo’ me pento.
So’ passate sett’anne, benedico!
Ma nun sulo pe’ vvuie!... Pur’io mm’ ’e ssento.
. . . . . . . . . . . . . . . .
E ancora mo’, c’ ’o stesso sentimento,
comm’ ’o vintuno ’e maggio novecento,
ve voglio di’ ’na cosa... e nun v’ ’a dico...
