Paggena:'E Lluce-luce.djvu/13

'A Wikisource.
Chesta paggena è stata leggiuta du' vote e mo è fernuta.
'A «SERPA»


Cinquanta case e ciente massarie;
'na chiazza cu' 'na statua 'e Santu Rocco;
'nu barbiere cu' 'a quaglia appesa 'o crocco
e pullicine e vvoccole p' 'e vvie...

Terra, ca 'nu staie dint' 'e ggiografie,
te veco 'a sera, appena ca mme cocco.

Te veco comme a quanno era guaglione,
quanno 'o core era spriceto e 'gnurante;
quanno tenevo dint' 'a 'nu stipone
cientosittantatré figure 'e Sante...

E ll'appicciavo 'e cannelelle 'nnante
quann' 'e cacciavo pe' 'na funzione.