’A Gelusia!....
Manco ’o vapore corre tanto tanto
siccomme ’a gelusia che me tormenta
me stai’ vicino e te credo ’na santa,
me stai’ lontana e penso ’o trarimento...
Manco ’o vapore corre tanto tanto......
I’ so geluso ’e te
ma tu nun sai pecchè?...
Pecchè te voglio bene
e murraria pe te!
Si penzo a n’ata vocca che te tenta
o a nu carizzo ca tu ce accunsiente
me zompa ’o core mocca e tanno sento
tutt’ ’o veleno amaro d’’e serpiente!
Si penza a n’ata vocca che te tenta......
I’ so geluso, ecc.
’A lontananza è proprio comm’ ’o viento
stuta ’e cannele e appiccia ’o fuoco ardente...
e chistu fuoco mio cchiù s’alimenta
p’ ’a lontananza toia, core birbante
E ’a gelusia corre cchiù d’ ’o viento!...
I’ so geluso, ecc.
R. Ferraro Correra
(Prop. letteraria
