Canzone e Ariette nove/Ariette nove/'O core d' 'a femmena...
Modello:QualitàModello:IncludiIntestazione
E tu pigliatillo…
’O core d’ ’a femmena
è comme a na lettera nchiusa.
Chi maie ce po’ leggere?
Chi ’o po’ scanaglia?
Mo abbruscia — mo spánteca —
mo piglie e t’ammenta na scusa,
pe nun te fa ntènnere
ca sta p’avutà…
E tu
pigliatillo
accussì,
comm’ i’
ll’accetto e mm’ ’o piglio…
Vuo’ sentere?
E siente
nu buono cunziglio.
Cuntentete ’e nun sapé
niente.
’O core d’ ’a femmena
è comm’ ’o rilorgio guastato,
ca mo ’o siente sbattere,
mo ’o vide fermà.
Inzomma, ch’è ’a femmena?
Ched’è? Nu mastrillo aparato.
E ’o povero sórece
è ll’ommo, ecco qua.
E tu
pigliatella
accussì,
comm’ i’
ll’ accetto e mm’ ’a piglio…
Vuo’ sentere?
E siente
nu buono cunziglio.
Cuntèntete ’e nun sapé
niente…
This page was moved from. It's edit history can be viewed at Canzone e Ariette nove/Ariette nove/'O core d' 'a femmena.../edithistory